文 | 黃敬
香港近年(2014年起)受到“黑暴”事件影響,社會嚴重撕裂,民生受到重創打擊,嚴重觸碰咗“一國兩制” 嘅原則底線,危害國家安全同發展利益,再加上疫情雪上加霜,令香港嘅繁榮穩定面對前所未有嘅挑戰。
去年,中央出手訂立香港國安法,即時起咗重大嘅震懾作用,唔單止平息咗持續多個月嘅社會動亂,更將一啲反中亂港意圖危害國家安全嘅不法分子繩之於法,今年(2021年)嘅3月11日,第十三屆全國人民代表大會第4次會議高票通過 《全國人民代表大會關於完善香港特別行政區選舉制度的決定》 ,中央在國家層面完善香港選舉制度,彌補選舉制度漏洞,為愛國者治港提供咗堅實嘅制度保障,使“一國兩制” 嘅實踐重回正軌、鞏固特區憲制基礎,維護國家安全、撥亂反正、由亂及治。完善選舉制度關係到“一國兩制”在香港嘅成功落實,以至全體市民嘅福祉,因此特區政府同行政長官極需要我哋社會各界同全體市民嘅積極參與同支持。
中央初心毫不動搖,依照憲法同基本法在一年內先後制定香港國安法同修訂基本法附件一、二,完善特區選舉制度,以及落實“愛國者治港”兩項重大舉措,為“一國兩制”貫徹落實、為香港長治久安奠下堅實嘅基礎,我地堅信,在中央同祖國嘅大力支持下,堅定支持行政長官為首嘅特區政府依法施政,香港一定能夠回復昔日由小魚港成為今日世界金融中心嘅輝煌地位同成就,戰勝前進道路上嘅各種困難同挑戰,“一國兩制”這艘巨輪一定能夠乘風破浪,行穩致遠!
最後適逢今年係中國共產黨建黨100周年,祝願國家國瑞民祥,國家、粵港澳台四地安定繁榮!
作者係香港河源社團總會 主席